Mbledhja e përbashkët e dy qeverive ka nisur me fjalën e Kryeministrit të Kosovës, Albin Kurti, i cili nuk la pa përmendur dhe situatën e shkaktuar në rajon nga pushtimi rus si dhe foli për problemet e pazgjidhura politike.
“Marrëdhëniet me dy vendeve tona janë dëshmi se kur nuk ekzistojnë probleme të pazgjidhura politike, suksesi i marrëdhënieve në të gjitha fushat e tjera është i garantuar. Është dëshmi gjithashtu se bashkëpunimi, integrimi e zhvillimi i qëndrueshëm në gjithë rajonin sigurohet duke i zgjidhur problemet politike në fillim e jo në fund. Lënia për fund e mbajtja pezull e zgjidhjes të problemeve esenciale politike mban pezull mosbesimin e ndërsjellë social”, tha Kurti.
Kujtomë se në këtë mbledhje, qeveritë pritet të firmosin disa marrëveshje në turizëm, arsim, bujqësi, infrastrukturë dhe siguri.
